कैलालीको कैलारी गाउँपालिका–७ का वडा सदस्य एवं गाउँपालिकाको गाउँसभा सदस्य उमेशकुमार चौधरीको निधन भएको छ । गाउँपालिका–७ भुईयाँफाँटा निवासी उनको बिहीबार साँझ निधन भएको हो ।
पसलमा बसेर कुराकानी गर्ने क्रममा एक्कासि अचेत देखिएका चौधरी त्यसपछि नउठेको वडाध्यक्ष एवं गाउँपालिकाका प्रवक्ता दीपेन्द्र बमले जनाए । उनका अनुसार ४२ वर्षीय वडा सदस्य चौधरी उच्च रक्तचापका बिरामी थिए । उनी रक्तचापको औषधि सेवन गर्दै आएका थिए ।
गाउँसभा सदस्यको निधन भएपछि गाउँपालिकाले आज शोक बिदा दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
