पोखराको कमलपोखरी आसपासका घर डुबानमा परेका छन् । आइतबारदेखिको अविरल वर्षाले दर्जनौं घर डुबानमा परेका हुन् । 

कमलपोखरीको सिमसार क्षेत्रमा केही वर्षयता निकै धेरै संख्या घरहरू निर्माण भएका छन् । सिमसारमा घर निर्माण हुँदा पानीको निकास रोकिएको छ । केही वर्षयता यो ठाउँ डुबानमा पर्न थालेको हो ।

पोखरा–१३ का वडाध्यक्ष किरण बरालले जमेको पानी निकास काहुँखोला र दुई कुलाको मुहानतिर खोल्न लागेको जानकारी दिए । उनका अनुसार काहुँडाँडादेखि फूलबारीतिरबाट पनि आएको पानीले जलमग्न बनाएको हो ।