प्रदेश–१ का मुख्यमन्त्री राजेन्द्र राईलाई कोरोना संक्रमण पुष्टि भएको छ । सोमबार परीक्षण गर्दा मुख्यमन्त्री राईसहित तीन जनालाई कोरोना  पुष्टि भएको मुख्यमन्त्रीका प्रेस सल्लाहकार बन्धु पोखरेलले जानकारी दिए ।

मुख्यमन्त्री राईसहित उनका परिवारका सदस्यहरू, सचिवालयका सदस्यहरू, निवासका सुरक्षाकर्मी, कर्मचारीलगायत गरी १६ जनाको स्वाब परीक्षण गरिएको थियो ।

पिसीआर परीक्षण गर्दा मुख्यमन्त्रीसहित पत्नी शोभा पाठक र मुख्यमन्त्रीका राजनीतिक सल्लाहकार जीवन राईलाई पनि कोरोना पुष्टि भएको हो ।  सचिवालयका अनुसार मुख्यमन्त्रीसहित तीनै जनाको स्वास्थ्य अवस्था सामान्य छ ।