दक्षिण कोरियामा सवारी दुर्घटनामा परी एक नेपालीको ज्यान गएको छ । मंगलबार कोरियाको ख्यांगिदो प्रान्तको पोछनमा भएको दुर्घटनामा सुर्खेतका जीवन मगरको ज्यान गएको हो । 

तीन वर्षअघि एपिएस प्रणलीबाट कोरिया गएका मगर साथीहरुसँग घुमेर मंगलबार साँझ आफ्नो कोठामा फर्किएका थिए । फेरि, मगर खानेकुरा किन्न भन्दै बाहिर निस्किएको र बाटो काट्ने क्रममा सवारीले ठक्कर दिएको बताइएको छ । 

बिहानसम्म पनि नफर्किएपछि उनका सहकर्मी खोज्न जाँदा साइकल र चप्पल भेटिएपछि प्रहरीसँग सोधपुछ गर्दा घटनाका विषयमा जानकारी पाएको उनीहरुले बताए ।