४ मंसिरमा एकै चरणमा प्रतिनिधिसभा र प्रदेशसभाको निर्वाचन गर्ने सरकारको निर्णय
फरकधार / १९ साउन, २०७९

सरकारले ४ मंसिरमा संघीय निर्वाचन गर्ने निर्णय गरेको छ । 



बिहीबार बसेको मन्त्रिपरिषद बैठकले ४ मंसिरमा एकै चरणमा प्रतिनिधिसभा र प्रदेशसभाको निर्वाचन गर्ने निर्णय गरेको हो । 

मन्त्रिपरिषद् बैठकले एकै चरणमा प्रतिनिधिसभा र प्रदेशको निर्वाचन गर्ने निर्णय गरेको एक मन्त्रीले जानकारी दिए । यसअघि २०७४ सालमा संघीय र प्रदेशसभाको चुनाव २ चरणमा भएको थियो ।



बुधबार बसेको सत्ता गठबन्धनका शीर्ष नेताहरूको बैठकले सरकारलाई संघीय निर्वाचनको मिति घोषणा गर्नका लागि सुझाएको थियो । 



निर्वाचन आयोगले यसअघि नै सरकारलाई निर्वाचनको मिति घोषणा गर्नका लागि सिफारिस गरेको थियो ।

मिति घोषणा भएसँगै प्रतिनिधिसभाका लागि १६५ निर्वाचन क्षेत्र र सात प्रदेशका ३३० प्रदेशसभा निर्वाचन क्षेत्रमा चुनाव हुनेछ ।

 

  • प्रकाशित मिति : साउन १९, २०७९ बिहीबार १४:१६:१४,   अन्तिम अपडेट : साउन १९, २०७९ बिहीबार १५:३:२०

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
रञ्जित तामाङ
 |  १९ साउन, २०७९
मल्टिमिडिया