सर्वोच्च अदालतले आजदेखि शुक्रबार पनि पूरा समय सेवा दिने भएको छ । गत २२ असारमा बसेको पूर्ण बैठकले निर्णयअनुसार आजदेखि लागू हुने गरी सर्वोच्चले शुक्रबार पनि पूरा समय सेवा दिने भएको हो । 

अदालतले पुराना बक्यौता मुद्दा न्यूनीकरणसम्बन्धी कार्ययोजना सञ्चालनमा ल्याएपछि शीघ्र मुद्दा फर्छ्योट हुने विश्वास गरिएको छ । अदालतमा २०७९ सालको वैशाख ३० सम्म पाँच वर्ष नाघेका मुद्दा ४ हजार ८ सय १९ थान छन् ।

त्यस्तै, दुई वर्ष नाघेका मुद्दा १७ हजार ६ सय १२ थान रहेको सर्वोच्च अदालतका प्रवक्ता विमल पौडेलले जानकारी दिए ।