नवगठित नेपाल समाजवादी पार्टी (नेसपा)का नेता एवं पूर्वप्रधानमन्त्री डा. बाबुराम भट्टराईले आगामी निर्वाचनमा नजिकका विचार मिल्ने राजनीतिक शक्तिसँग चुनावी तालमेल र गठबन्धनका लागि प्रयास गर्ने बताएका छन् । ललितपुरको बालकुमारीमा शनिबार सुरु भएको पार्टी केन्द्रीय समितिको प्रथम बैठकमा बोल्दै उनले यस्तो बताएका हुन् ।
जनताका मुद्दाहरूलाई चुनावको क्रममा महत्त्वपूर्ण ढंगले उठाउने उल्लेख गर्दै उनले ती विषयमा गम्भीर छलफल गरी पार्टीको केन्द्रीय समिति बैठकले आवश्यक निर्णय लिने बताए ।
'निर्वाचनका निम्ति हामीले सम्भव भएसम्मका नजिकका विचार मिल्ने शक्तिसँग चुनावी तालमेल, गठबन्धन आदिका निम्ति प्रयास गर्नु छ । र, जनताको मुद्दालाई, जनताका विषयवस्तुलाई चुनावको क्रममा पनि महत्वपूर्ण ढंगले उठाउने प्रयत्न गर्नु छ । यी सबै विषयमा हाम्रो छलफल भएर आवश्यक निर्णय लिनेछौँ’ उनले भने ।
नेता भट्टराईले आफ्नो पार्टीले समावेशीता, संघीयता, सुशासन, समृद्धि र समाजवादको लक्ष्य प्राप्त हुन सक्छ भन्ने मान्यता अघि सारेको उल्लेख गर्दै त्यसलाई पूरा गरी मुलुकको बैकल्पिक राजनीतिक शक्ति बन्ने विश्वाससमेत व्यक्त गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
