एजेन्सी– फेसबुकले तीन वटा छुट्टाछुट्टै मेसेजिङ प्लेटफर्म ह्वाट्सएप, इन्स्टाग्राम र फेसबुक मेसेन्जरलाई मर्ज गर्ने योजना बनाएको छ । यी ती छुट्टाछुट्टै एपका रुपमा रहे पनि एकआपसमा सम्बन्धित हुने फेसबुकले जनाएको हो ।
यसको अर्थ अब ह्वाट्सएप चलाउने प्रयोगकर्तालाई फेसबुक मेसेन्जरबाट नै सन्देश पठाउन सकिने छ । यसअघि यी तीनै एउटै कम्पनीको स्वामित्वमा भए पनि एउटै कोर नहुँदा यो सम्भव थिएन ।
फेसबुकले यो एउटा लामो प्रक्रिया भएको र फेसबुकका सिइओ तथा संस्थापक मार्क जुकरबर्गले नै यो चाहेको उल्लेख गरेको विभिन्न अन्तर्राष्ट्रिय सन्चारमाध्यमले जनाएका छन् ।
न्युयोर्क टाइम्सका अनुसार यो मर्जर प्रक्रिया सुरु भइसकेको छ र सन् २०१९ को अन्त्यसम्म वा अर्को वर्षको सुरुवातमा यो पूर्णरुपमा सकिने छ ।
जुकरबर्गको यही योजनाका कारण गत वर्ष इन्स्टाग्राम र ह्वाट्सएपका संस्थापकहरुले कम्पनी छोडेको अनुमान गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।