प्रतिनिधिसभा बैठकको शून्य समयमा सांसद मायादेवी न्यौपानेले सरकारको चर्को आलोचना गरेकी छन् । आइतबारको बैठकमा उनले सरकारले जनतालाई केही पनि दिन नसकेको आरोप लगाइन् ।

विद्यार्थीलाई पुस्तक दिन नसकेको, किसानलाई मल, बिउ र सिंचाई दिन नसकेको र व्यवसायीलाई कच्चा पदार्थ दिन नसकेको उनको आरोप छ । उनले सरकारलाई व्यङ्ग्य गरेकी छिन् । 

‘केही पनि दिन नसक्ने सरकारको नाम छैनबहादुर, दिन्नबहादुर र सक्दिनबहादुर राखौँ कि कसो हो?,’ सांसद न्यौपानेले भनिन् ।

उनले सरकारसँग मिल्दोजुल्दो भन्दै आयो लाहुरे बुट पेटी कसेर गयो लाहुरे खरानी धसेर भन्ने गीत पनि सुनाइन् । न्यौपानेले मंसिर चार गते हुने निर्वाचनमा कमण्डलु लिएर बनारसतिर जाओस् भन्दै शुभकामना पनि दिइन् ।