आज देशभर बदली हुने सम्भावना छ । दिउँसो बागमती, गण्डकी, लुम्बिनी र कर्णालीका केही तथा बाँकी प्रदेशका थोरै स्थानमा वर्षाको सम्भावना रहेको मौसम पूर्वानुमान महाशाखाले जनाएको छ ।

राति प्रदेश–१, मधेश, बागमती र गण्डकीका थोरै तथा बाँकी प्रदेशका एक/दुई स्थानमा वर्षाको सम्भावना रहेको छ । मंगलबार कर्णाली र सुदूरपश्चिमका थोरै तथा बाँकी प्रदेशका एक/दुई स्थानमा वर्षा हुने अनुमान गरिएको छ । 

बुधबार प्रदेश–१, बागमती र गण्डकीमा वर्षाको आँकलन गरिएको छ ।