इंग्लिस प्रिमियर लिग फुटबलमा गएराति सम्पन्न खेलमा क्रिस्टल प्यालेसविरुद्ध लिभरपुल बराबरीमा रोकिएको हो । घरेलु मैदानमा दोस्रो हाफको सुरुदेखि १० खेलाडीमा सीमित लिभरपुल क्रिस्टल प्यालेसविरुद्ध १–१ को बराबरी रोकिएको हो ।
३२ औँ मिनेटमा क्रिष्टलका विलफ्रिड जाहाले गोल गरेर टिमलाई अग्रता दिलाए । दोस्रो हाफको ५७ औँ मिनेटमा लिभरपुल १० खेलाडीमा समेटियो ।
यही सिजन क्लबमा आएका फरवार्ड डार्विन न्युनेजले सिधै रातो कार्ड पाए । १० खेलाडीमा सीमित लिभरपुलका लागि लुइस डियाजले ६१ औँ मिनेटमा बराबरी गोल फर्काए ।
त्यसपछि थप गोल नहुँदा लिभरपुल लगातार दोस्रो खेल बराबरीमा रोकिन पुग्यो । पहिलो खेलमा लिभरपुल फुलहमसँग पनि बराबरीमा रोकिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
