डोटीमा एक महिला लुटिएकी छन् । बुधबार जिल्लाको सायल गाउँपालिका वडा नम्बर ६ कालागाउँ घर भएकी २७ वर्षीया पार्वती कटुवाल लुटिएकी हुन् ।
आदर्श गाउँपालिका वडा नम्बर ६ माइती घर जाने क्रममा अपरिचित व्यक्तिले उनका गरगहना लुटेर भागेका छन् ।
बिहान करिब साढे ११ बजेको समयमा बीच बाटो आदर्श ३ अलचौड जंगलमा उनी लुटिएको इलाका प्रहरी कार्यालय आदर्शका प्रहरी निरीक्षक यक्षराज जोशीले जानकारी दिए ।
प्रहरी निरीक्षक जोशीका अनुसार लुटेराले ज्यान मार्ने धम्की दिँदै उनले लगाएको साढे तीन तोलाबराबरका सुनका गरगहना लुटेका हुन् । घटनाबारे थप अनुसन्धान गरिरहेको प्रहरीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
