बागमती प्रदेशको राजधानी हेटौंडामा नागरिकता विधेयक विरुद्धको सडक प्रदर्शन आइतबार पनि जारी राखेको छ । साउन १३ गतेदेखि सुरु भएको नागरिकता विधेयक विरुद्धको प्रदर्शन २०औं दिनसम्म पनि निरन्तरता दिइएको हो । 

नेपाली जनता लेखिएको ब्यानर बोकेर हरेक दिन साँझ हेटौंडाको बुद्धचोकमा प्रदर्शन गर्दै आइरहेका छन् । राष्ट्रपति विद्यादेवी भण्डारीले विधेयक संसदमा फिर्ता पठाएपछि दुई दिनका लागि रोकिएको प्रदर्शन आइतबारदेखि पुनः दोस्रो चरणको शान्तिपूर्ण आन्दोलन सुरु गरेको उक्त प्रर्दशनमा सहभागी दिनेश लामाले बताए । 

उक्त विरोध कार्यक्रम नागरिकता विधेयक खारेज नभएसम्म नै निरन्तरता दिने उनीहरुको भनाइ छ ।