रुसी हमलाबीच युक्रेनले आफ्नो ३१ औँ स्वतन्त्रता दिवस मनाएको छ । सन् १९९१ मा सोभियत संघबाट स्वतन्त्र भएको सम्झनामा २४ अगस्टलाई युक्रेनले हरेक वर्ष स्वतन्त्रता दिवसका रूपमा मनाउने गरेको छ । 

स्वतन्त्र दिवसकै दिन रुसी सेनाले युक्रेनको एउटा यात्रुबाहक रेलमा मिसाइल हमला गरेको छ । नीपर नदीबाट करिब ६० माइल पूर्वमा रहेको चापलिन सहरमा रहेको यात्रुवाहक रेलमा रुसी रकेट प्रहार हुँदा कम्तीमा २१ जनाको मृत्यु भएको छ भने दर्जनौँ घाइते भएका छन् ।

स्वतन्त्रता दिवस मनाउँदै गर्दा रुसबाट थप आक्रमण हुनसक्ने भन्दै राष्ट्रपति जेलेन्स्कीले सर्वसाधारण नागरिकहरूलाई घरबाहिर निस्कन र जमघट गर्न प्रतिबन्ध लगाएका थिए । मस्कोले किभमाथि हमला गरेको पनि ६ महिना पूरा भएको छ ।