Thu, 20 Jun, 2019


प्रहरी उपरीक्षक पोखरेलप्रति गृहमन्त्रीद्वारा श्रद्धाञ्जली
फरकधार / माघ १४, २०७५

काठमाडौं– गृहमन्त्री रामबहादुर थापाले सशस्त्र प्रहरी बलका प्रहरी उपरीक्षक बलराम पोखरेलप्रति श्रद्धाञ्जली अर्पण गरेका छन् । 



शनिबार बाराका प्रमुख जिल्ला अधिकारीसँगै चढेको गाडी दुर्घटनामा निधन भएका प्रहरी उपरीक्षक पोखरलको निवास सानोभर्याङ पुगेर गृहमन्त्री थापाले श्रद्धाञ्जली तथा परिवारजनप्रति समवेदना प्रकट गरे । गृहमन्त्री थापाले पोखरेलको निधनले कर्तव्यनिष्ठ, व्यावसायिक अधिकृत गुमाएको भन्दै दुःख व्यक्त गरे । 

गृहमन्त्री थापाले सोमबारै दुर्घटनामा घाइते भएका बाराका प्रमुख जिल्ला अधिकारी गणेश भट्टराईको समेत स्वास्थ्यअवस्थाबारे जानकारी लिए । उनले ग्रान्डी अन्तर्राष्ट्रिय अस्पताल धापासी पुगेर उपचारमा संलग्न चिकित्सकसँग स्वास्थ्य अवस्थाबारे जानकारी लिएको गृहमन्त्री थापाका प्रेस संयोजक किरण भट्टराईले जानकारी दिए । 

गृहमन्त्री थापाले उपचारको खर्च सरकारले बेहोर्ने भन्दै उपचारमा कुनै कसर बाँकी नराख्न चिकित्सकलाई निर्देशनसमेत दिएका थिए । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्