ढल्केवरमा हात्तीको बितण्डा, स्थानीयको सात घर भत्कायो

धनुषाको मिथिला नगरपालिकास्थित ढल्केवरमा हात्तीले बितण्डा मच्चाउन थालेको छ । आइतबार राति जंगलबाट आएको हात्तीले ढल्केवरका सातवटा घर भत्काएको हो । 

जंगलबाट गाउँ पसेको हात्तीले ढल्केवरस्थित नयाँ टोलमा चार र खानेपानी टंकीटोलमा तीनवटा घर भत्काएको हो । बसही खोला हुँदै नयाँ टोलमा प्रवेश गरेका हात्तीले घरहरू भत्काउन थालेपछि स्थानीयले आगो बालेर थाल पिट्दै हात्तीलाई लखेटेका थिए ।

स्थानीयले लखेटेपछि नयाँ टोलबाट भागेका हात्ती खानेपानी टंकी टोलमा गएर तीनवटा घरमा क्षति पुर्याएको इलाका प्रहरी कार्यालय ढल्केवरका प्रहरी निरीक्षक रामसागर सिंहले जानकारी दिए । 

हात्तीले मानवीय क्षति नगरे पनि घरभित्रका अन्नपात खाइदिएको उनले बताए । हात्तीले मिथिला नगरपालिकामा केही समयदेखि क्षति गरिरहेको छ ।  





  • प्रकाशित मिति : भदौ २०, २०७९ साेमबार १३:२:१

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया