नेपाली कांग्रेसले महोत्तरीको निर्वाचन क्षेत्र नम्बर ३ मा गृहमन्त्री बालकृष्ण खाणलाई प्रतिनिधिसभा सदस्यको उम्मेदवार सिफारिस गरेको छ ।
आगामी ४ मंसिरमा हुने निर्वाचनमा उक्त क्षेत्रबाट पार्टीका केन्द्रीय सदस्यसमेत रहेका मन्त्री खाणलाई कांग्रेसले एकल उम्मेदवारका रूपमा सिफारिस गरेको हो ।
क्षेत्रीय समितिको बैठकले गृहमन्त्री खाणको नाम सर्वसम्मत रूपमा प्रतिनिधिसभा सदस्य पदका लागि सिफारिस गरिएको नेपाली कांग्रेसका जलेश्वर नगर उपसभापति प्रकाश पाठकले जानकारी दिएका छन् ।
यसअघि गृहमन्त्री खाणको नाम रूपन्देहीको निर्वाचन क्षेत्र नम्बर-२ र ३ बाट पनि सिफारिस भएको छ ।
अघिल्लोपटक समानुपातिकमा बसेका खाण अहिले प्रत्यक्ष लड्ने तयारीमा छन् ।
२०७४ को निर्वाचनमा महोत्तरी ३ बाट लोसपाका अध्यक्ष महन्त ठाकुर निर्वाचित भएका हुन् ।
सोही क्षेत्रबाट मधेस प्रदेशको मुख्यन्यायाधिवक्ता पदबाट राजीनामा दिएर जसपामा प्रवेश गरेका दीपेन्द्र झा पनि चुनाव लड्ने चर्चा छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
