राष्ट्रिय प्रजातन्त्र पार्टी (राप्रपा)ले यसअघि पटक–पटक अवसर पाइसकेका नेताहरुलाई समानुपातिक उम्मेदवार नबनाउने भएको छ । 

बुधबार पार्टी कार्यालयमा बसेको संसदीय बोर्डको बैठकमा यस विषयमा छलफल भएको हो । छलफल सकारात्मक भएकाले सोहीअनुसार निर्णय हुने बताइएको छ । 

राप्रपाले स्थानीय तहमा आएको मतपरिणामको ग्राफ हेरेर सोही क्षेत्रलाई प्राथमिकता दिएर समानुपातिक उम्मेदवार चयन गर्ने भएको छ । 

राप्रपा अध्यक्ष राजेन्द्र लिङ्देनले मंगलबार बोर्ड गठन गरेका थिए । बोर्डमा राप्रपाका पूर्वअध्यक्षहरु लोकेन्द्रबहादुर चन्द, पशुपतिशमशेर जबरा र प्रकाशचन्द्र लोहनीलाई पदेन सदस्य राखिएको छ ।