नेकपा एमालेका अध्यक्ष केपी शर्मा ओलीले आफ्नो पार्टीविरुद्ध भ्रम फैलाउनेहरुविरुद्ध अरिङ्गाल भएर खनिन कार्यकर्तालाई निर्देशन दिएका छन् । उनले अरु झुसे बारुले भएर आफूहरुविरुद्ध खनिएको दाबी गर्दै अरिङ्गाल भएर प्रतिवाद गर्नु पर्ने बताएका छन् ।
यसअघि आफूले अरिङ्गाल भएर प्रतिकार गर्ने भन्दा अरिङ्गाल लगाउने भनेर कुप्रचार गरिएको भन्दै ओलीले आफूहरुविद्ध उत्रिनेलाई ध्वस्त बनाउनु पर्ने बताएका हुन् ।
शुक्रबार युवा संघको कार्यक्रममा बोल्दै ओलीले युवा संघले पछिल्ला प्रविधिहरुलाई प्रयोग गर्नु पर्ने बताएका छन् ।
उनले यही कार्यक्रममा एमालेविरुद्ध खनिनका लागि गठबन्धन बनेको र एक्लै कुनै पनि दलले एमालेसँग प्रतिस्पर्धा गर्न नसक्नेसमेत बताएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
