राष्ट्रपति विद्यादेवी भण्डारीले नवदुर्गाको अवतारस्वरूप आज महानवमीको दिन नव कन्याको पूजा गरेकी छन् । शीलतनिवासस्थित राष्ट्रपति कार्यालयमा आयोजना गरेको विशेष समारोहमा राष्ट्रपति भण्डारीले नवकन्यालाई नवदुर्गाको स्वरुप मानेर पूजा गरेकी हुन् ।

सो अवसरमा राष्ट्रपति भण्डारीले ९ कन्याको गोडा धोएर, टीका लगाई, उपहार प्रदान गरिन् । ती कन्यालाई बालमन्दिरबाट लगिएको हो । दसैं पर्वका अवसरमा महानवमीको दिनमा राष्ट्रपति भण्डारीले नवकन्याको पूजा प्रत्येक वर्ष गर्दै आएकी छन् ।

उक्त समारोहमा नव कन्याले अन्तिममा नृत्यसमेत गरेका थिए ।