नवौं राष्ट्रिय खेलकुदअन्तर्गत रग्बीको पुरुषतर्फ नेपाल एपिएफ र महिलातर्फ त्रिभुवन आर्मी क्लबले स्वर्ण हात पारेका छन् । 

कास्कीको भण्डारडिक ग्राउन्डमा भएको फाइनलमा एपिएफले लुम्बिनी प्रदेशलाई १०–७ अंकले हराउँदै स्वर्ण जितेको हो ।

 एपिएफलले दुई ट्राईमार्फत १० अंक जोड्दा लुम्बिनीले ट्राईमा ५ तथा कन्भर्सनमा २ अंक जोडेको थियो । यस्तै,महिलातर्फ आर्मीले एपिएफलाई १०–० ले पराजित गर्दै स्वर्ण पदक जित्यो । उसले २ ट्राईमार्फत १० अंक बटुलेको हो।

महिलातर्फ सुदूरपश्चिम र पुरुषतर्फ गण्डकी प्रदेशले कास्य जितेका छन् । सुदूरले मधेश प्रदेशलाई ५–० अंक ले हराउँदा गण्डकीले तेस्रो स्थानको लागि भएको खेलमा गण्डकीले आर्मीलाई १०–५ अंकले पराजित गर्यो । 

महिलामा लुम्बिनी प्रदेश बाहेक अन्य सबैको सहभागिता रहँदा पुरुषमा भने सबै टोलीको सहभागिता थियो ।