स्पेनिस ला लिगामा बार्सिलोनाले सहज जित निकालेको छ । उसले गएराति सम्पन्न खेलमा भिल्लारियलविरुद्ध ३–० को सहज जित निकालेको हो । बार्सिलोनालाई जित दिलाउने क्रममा रोबर्ट लेवान्डोस्कीले दुई र अन्सु फातीको एक गोल गरे । 

बर्सिलोनाले तीनै गोल पहिलो हाफमा गरेको थियो । बार्सिलोनालाई ३१ औं मिनेटमा लेवान्डोस्कीले गोल गर्दै सुरुआती अग्रता दिलाए । ३५ औं मिनेटमा लेवान्डोस्कीले नै व्यक्तिगत दोस्रो गोल गरे ।

त्यसको तीन मिनेटपछि फातीले गोल गर्दै बार्सिलोनानाको अग्रता फराकिलो बनाए । यो जितपछि बार्सिलोनाले शीर्षस्थानको रियल म्याड्रिडसँगको अंक दूरी घटाएको छ ।

बार्सिलोनाले १० खेलबाट २५ अंक जोडेको छ । शीर्ष स्थानको रियलले २८ अंक जोडेको छ । बार्सिलोनासँग हारेको भिल्लारियल १५ अंकका साथ नवौं स्थानमा छ ।