स्पेनी ला लिगामा बार्सिलोनाले शानदार जित हात पारेको छ । गएराति सम्पन्न खेलमा उसले एथलेटिको बिलबाओविरुद्ध ४–० को जित हात पारेको हो ।

बार्सिलोनाको जितमा रोबर्ट लेवनडोस्की, ओसमन डेम्बेले, सर्बियो रोबर्टो र फेरान टोरेसले एक/एक गोल गरे । यो जितसँगै बार्सिलोनाले शीर्ष स्थानमा रहेको रियल म्याड्रिडसँगको दूरी पनि तीन अंकमा छोट्याएको छ । अन्य खेलमा एटलेटिको म्याड्रिडले रियल बेटिसलाई २–१ ले हरायो ।

योसँगै ऊ तेस्रो स्थानमा उक्लियो । यस्तै, आल्मेरियाले भिल्लारियललाई २–१ ले पराजित गर्‍यो । इस्पनयोल र एल्चेले २–२ तथा जिरोना र ओसासुनाले १–१ को बराबरी खेले ।