शाहरुख खानको आज जन्मदिन हो । त्यसैले पनि भारतीय मिडियामा उनी छाएका छन् ।

अनि उनको जन्मदिन भएकाले उनको विषयमा विभिन्न चर्चा भएको छ । त्यस्तै एउटा प्रसंग भारतीय मिडिया नवभारतटाइम्सले प्रकाशन गरेको छ ।

भारतीय मिडियाका अनुसार दिलवाले दुल्हनिया ले जाएँगे नामको फिल्मलाई सन् १९९५ मा धेरै अवार्ड मिलेको थियो । यही फिल्मले नेसनल अवार्ड पनि पाएको थियो ।

यही फिल्मका कारण शाहरुख खानलाई फिल्मफेयरले बेस्ट एक्टरको अवार्ड पनि दिएको थियो । उनका लागि यो अवार्ड घोषणा भएलगत्तै आमिर खान आफू बसेको ठाउँबाट उठेर हलबाट बाहिर निस्किएका थिए ।

त्यसपछि आमिर खान फिल्मफेयर अवार्ड्समा जान नै छोडिदिए । यसको कारण थियो, उनले त्यो वर्ष फिल्म रंगीलाबाट आफूले यो अवार्ड पाउन सक्छु भन्ने अनुमान गर्नु ।