इंग्लिस प्रिमियर लिगअन्तर्गत गएरातिको खेलमा म्यानचेस्टर सिटी पराजित भएको छ । ऊ घरेलु मैदानमै ब्रेन्टफोर्डसँग २–१ ले पराजित भएको हो ।
इतिहाद स्टेडियममा ब्रेन्टफोर्डलाई जित दिलाउन दुवै गोल इभान टोनी गर्दा सिटीका लागि फिल फोडेनले एक गोल फर्काए ।
खेलको १६ औं मिनेटमा टोनीले ब्रेन्टफोर्डलाई सुरुआती अग्रता दिलाएका थिए । पहिलो हाफको थप गरिएको समयमा फोडेनले सिटीलाई १–१ को बराबरीमा ल्याए ।
दोस्रो हाफको थप गरिएको समयमा टोनीले व्यक्तिगत दोस्रो गोल गर्दै ब्रेन्टफोर्डलाई २–१ को रोमाञ्चक जित दिलाए ।
जितसँगै १५ खेलमा १९ अंक जोडेको ब्रेन्टफोर्ड १० औं स्थानमा रहँदा पराजित सिटी १४ खेलबाट ३२ अंकका साथ दोस्रो स्थानमा छ ।
लिगअन्तर्गकै अन्य खेलमा चेल्सी न्युकासल युनाइटेड तथा क्रिस्टल प्यालेस नोटिङ्घम फरेस्टसँग समान १–० ले पराजित भए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।