आज देशका केही भूभागमा हिमपात र वर्षाको सम्भावना रहेको छ । मौसमविदका अनुसार सोमबार प्रदेश–१, कर्णाली प्रदेश र सुदूरपश्चिम प्रदेशका उच्च पहाडी तथा हिमाली क्षेत्रमा हल्का वर्षा र हिमपातको सम्भावना रहेको हो ।  

वर्षा र हिमपातले चिसो झन् बढाउने भएकाले पद यात्रा र पर्वतारोहणमा जाँदा ध्यान दिन  मौसमविद् वरुण पौडेलले सुझाव दिए । पश्चिमी वायु सक्रिय भएसँगै चिसो बढ्न थालेको उनको भनाइ छ ।

आज पहाडी र हिमाली क्षेत्रको मौसम आंशिकदेखि सामान्य बदली हुनेछ ।