नेपाली कांग्रेसका प्रवक्ता डा. प्रकाशशरण महतले नेपालमा कुरा मात्र गर्ने नभएर देशमा काम गर्ने नेतृत्वको आवश्यकता रहेको बताएका छन् ।
भोजपुरको पूर्वी तिवारीभञ्ज्याङमा आयोजित गठबन्धन दलको चुनावी सभालाई सम्बोधन गर्दै पूर्वपरराष्ट्रमन्त्री समेत रहेका उनले देशको दिगो विकासका लागि कुराभन्दा काम गर्ने नेतृत्व आवश्यक रहको बताएका हुन् ।
नेता महतले गुणस्तरीय शिक्षा र स्वास्थ्यको सुनिश्चितताका लागि अब कुरा गर्ने मात्र नभएर काम गर्नका लागि यो गठबन्धन बनेको भन्दै अबको पाँच वर्षमा अवरुद्ध विकासको गतिलाई अझ तीव्रता दिइने बताए ।
समग्र भोजपुरको विकासका लागि मङ्सिर ४ को निर्वाचनमा लोकतान्त्रिक–वामगठवन्धनका उम्मेद्वारहरूलाई जिताउनुको विकल्प नरहेको समेत उनले बताए ।
लोकतन्त्र र कानुनी शासनमा विश्वास गर्ने सरकारको आवश्यकता रहेको भन्दै महतले भने, ‘लोकतन्त्र र कानुनी शासनमा विश्वास गर्ने सरकार आयो भने देशमा लगानी बढ्छ, उद्योग व्यवसाय रोजगारीसँगै पूर्वाधारहरूको विकास हुन्छ, यी सबै पूरा गर्नका लागि गठबन्धनलाई जिताउनु पर्छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।