कतारमा २० नाेभेम्बर(भाेलि) बाट सुरू हुने फिफा विश्वकपअघिको मैत्रीपूर्ण अन्तर्राष्ट्रिय खेलमा बेल्जियम पराजित भएको छ । ऊ गएराति इजिप्टसँग २-१ ले पराजित भएकाे हो ।

कुवेतस्थित जाबेर अल अहमद अन्तर्राष्ट्रिय स्टेडियममा खेलको ३३ औं मिनेटमा मुस्ताफा मोहम्मदले गोल गर्दै इजिप्टलाई अग्रता दिलाएका थिए ।

 ४६ औं मिनेटमा ट्रेजग्वेटले टाेलीको अग्रता दाेब्बर बनाए । ७६ औं मिनेटमा लोइस ओपेन्डाले गोल गर्दै बेल्जियमलाई खेलमा फर्काउने प्रयास गरे पनि त्याे पर्याप्त नबन्दा इजिप्टले २-१ काे राेमाञ्चक जित निकाल्याे ।

समूह 'एफ' मा रहेकाे बेल्जियमले २४ नाेभेम्बरमा क्यानडाविरुद्व खेल्दै विश्वकपकाे सुरूवात गर्नेछ । अर्काे मैत्रीपूर्ण खेलमा सर्बियाले बहराइनविरुद्ध ५-१ काे शानदार जित हात पारेकाे छ ।