घरमा श्रीमानको शव छोडेर पदमकला बोगटी प्रतिनिधिसभा तथा प्रदेशसभा सदस्य निर्वाचनको मत हाल्न पुगेकी छिन्। 

दैलेखको महाबु गाँउपालिका –३ को भगवती प्राथमिक विद्यालय रिठा मतदान स्थलमा घरमा श्रीमानको शव छोडेर उनि मत हाल्न पुगेकी हुन्।

श्रीमान दलसिहं बोगटीको शव घरमा हुँदा आफ्नो भोटले देश बदलिएला, जनताका दुःख हटला भनेर भोट हाल्न आएको पदमकलाले बताईन्। पदमकलाले आफ्नो श्रीमानको निधनले मन दुखेको बेला पनि आफ्नो मतको सदुपयोग गर्नका लागि मत हाल्न आएको बताईन्।

जती मत हाले पनि हाम्रो अबस्था नफेरिए पनि केही हुन्छ की भन्ने आशा जाँगेका कारण मत हाल्न श्रीमानलाई घरमै छाडेर आएको उनले बताईन्।