Wed, 23 Sep, 2020


हाम्राे बारे

जुन समाजमा बहस हुँदैन, त्यो समाजमा केही पनि आविष्कार हुन सक्दैन ।

‘इनोभेसन’ अहिलेको बहुआयामिक समाजका लागि अपरिहार्य छ । जुन समाजले नयाँ आविष्कार र नयाँ सोचलाई स्थान दिन सक्दैन, त्यो समाजको भविष्य अँध्यारो हुन्छ ।

समाजलाई त्यो अँध्यारो भविष्यमा जानबाट रोक्न समाजका विविध आयामहरुलाई सचेत बनाउने फरकधार डट कमको मूल उद्देश्य हो । नाममा फरक जोडिएकाले मात्र होइन, हामीले पत्रकारिताको माध्यमबाट जे गर्न खोजेका छौँ, त्यो अनेक बाधा व्यवधानकाबीच पनि समाजका लागि साँच्चिकै फरक हुनुपर्छ भन्ने मान्यतामा छौँ ।

सूचना दिएर मात्र होइन, पाठकलाई सूचना पर्गेल्न सहयोग गर्ने विविध तर्कहरु दिएर सही समाचार के हो भन्ने छुट्याउन हामी प्रतिबद्ध छौँ ।

७ फागुन २०७५ मा फरक इनिसियटिभ्स प्रालिले सुरु गरेको नेपालको अनलाइन म्यागजिन फरकधार डट कम आवाजविहीनहरुको आवाज हो, सही सूचनालाई पर्गेल्न सहयोग गर्ने माध्यम हो । विश्वमा जसरी सूचना र प्रविधिको प्रयोग बदलिँदो छ, फरकधारले पनि पाठकहरुलाई यो परिवर्तनसँगसँगै यात्रामा लैजाने प्रण गर्छ ।

हामी यही समाजका अनेक आयामहरुलाई फरक ढंगबाट, अझ परिष्कृत र गहिराइमा तपाईंहरु सामु ल्याउने प्रण गर्दछौँ । फरकधार एउटा फरक विचार हो, जसले तपाईंलाई आफ्नो तर्कलाई थप बलियो बनाउन सहयोग गर्छ, तपाईंले जान्न खोज्नुभएको विषयमा थप गहिराइमा पु¥याउने मार्ग देखाउँछ ।

हामीलाई फलो गर्नुहोस्, तपाईंहरुले समाचारको यो दुनियाँमा हामी किन र कसरी फरक छौँ भन्ने आफैं मूल्याङ्कन गर्न पाउनुहुनेछ ।