ब्राजिलका महान फुटबलर पेलेको स्वास्थ्य अवस्था गम्भीर भएको छ ।
साओ पाउलोको अल्बर्ट आइन्स्टाइन अस्पतालमा उपचाररत पेलेको क्यान्सरको केमोथेरापीमा सुधार नभएपछि पेलेलाई अस्पतालमा प्यालिएटिभ केयरमा सारिएको छ ।
अस्पतालले एक बुलेटिनमार्फत पेलेको अवस्था स्थिर रहेको जनाएको छ । ब्राजिलियन आउटलेट फोल्हाले पनि पेलेलाई प्यालिएटिभ केयरमा सारिएको र किमोथेरापीले काम नगरेको जनाएको छ ।
८२ वर्षीय पेले आन्द्राको क्यान्सरबाट पीडित छन् । पेलेलाई मंगलबार अस्पतालमा पुनः भर्ना गरेर उपचार जारी छ ।
ब्राजिलका लागि ९२ खेलमा ७७ गोल गरेका पेलेको खेल जीवनमा ब्राजिलले तीनपटक विश्वकप जितेको थियो।
ब्राजिलले पहिलोपटक १९५८ मा, त्यसपछि १९६२ र १९७० मा विश्वकप जितेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
