सर्वोच्च अदालतले सिन्धुपाल्चोकमा प्रहरी प्रमुखका रूपमा कार्यरत नेपाल प्रहरीका उपरीक्षक (एसपी) रामेश्वर यादवलाई भ्रष्टाचार मुद्दामा दोषी ठहर गरेको छ । सर्वोच्चले विशेष अदालतको फैसला उल्टाउँदै यादवलाई भ्रष्टाचार मुद्दामा दोषी ठहर गरेको हो ।

२०७० मा रुपन्देहीमा कार्यरत रहँदा अनियमितता गरी मुद्दा मिलाएको भनी भ्रष्टाचार अभियोगमा अख्तियार दुरुपयोग अनुसन्धान आयोगले उनीविरुद्ध विशेष अदालतमा मुद्दा दायर गरेको थियो । विशेष अदालतले ०७१ मा उनलाई निर्दोष साबित गरेको थियो ।

तर साढे सात वर्षपछि न्यायाधीश ईश्वरप्रसाद खतिवडा र तिलप्रसाद श्रेष्ठको इजलासले विशेष अदालतको फैसला उल्टाउँदै यादवलाई दोषी ठहर गरेको हो ।