इंग्लिस प्रिमियर लिग फुटबलमा नटिङ्घम फरेस्टले साउथह्याम्पटनलाई १–० ले हराएको छ । गएराति सम्पन्न खेलमा नटिङ्घमको जितमा ताइवो अवोनीले निर्णायक गोल गरे ।

उनले खेलको २७औँ मिनेटमा गोल गरेका थिए । यो जितसँगै नटिङ्घम १८ खेलमा १७ अंकका साथ तालिकाको १५औँ स्थानमा रहेको छ ।

पराजित साउथह्याम्पटन १८ खेलमा १२ अंकका साथ पुछारमा छ । गएराति नै भएका खेलमा एस्टन भिल्ला र उल्भ्सले एक/एक गोल तथा लिड्स युनाइटेड र वेस्ट ह्यामले दुई/दुई गोलको बराबरी खेलेका छन् ।