नेकपा एमालेका सचिव योगेश भट्टराईले जनता समाजवादी पार्टी चाँडै नै सरकारमा आउने दाबी गरेका छन् ।
बिहीबार संसद भवनबाहिर सञ्चारकर्मीसँग कुरा गर्दै सचिव भट्टराईले जसपा सत्ता गठबन्धनमै रहेकाले छिट्टै सरकारमा आउने बताए ।
जसपाका लागि मन्त्रालय छुट्याएर राखिसकिएकाे भन्दै उनले जसपाका केही माग सम्बोधन भएपछि चाँडै सरकारमा आउने बताए ।
जसपाका मागबारे शीर्ष नेता बसेर टुंगाे लगाउने उनले बताए ।
नेपाली कांग्रेस असफल भएपछि एमालेले नेतृत्व गरेर नयाँ समीकरण बनाएको उनले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
