साेमबार सेयरबजारमा झिनो अंकको वृद्धि भएको छ । कारोबारको दोस्रो दिन नेप्से सूचक ४.५७ अंकले बढेर २१०० को विन्दुमा कायम भएको हाे ।

नेप्सेमा सूचीकृत २५९ कम्पनीको ३९ लाख २२ हजार २१६ कित्ता सेयर किनबेच हुँदा एक अर्ब ४७ करोड ४१ लाख रुपैयाँमाथिको कारोबार भएको छ ।

नेप्सेमा रहेका १३ उपसूचकमध्ये आज विकास बैंक सूचक, जीवन बिमा सूचक, म्युचुअल फण्ड सूचक, निर्जीवन बिमा सूचक र ब्यापार सूचक घटेका छन् भने बाँकी सबै सूचकमा हरियाली छाएको छ ।

सर्वाधिक आज उत्पादन तथा प्रशोधन सूचकको १.३८ प्रतिशतले बढ्न पुगेको छ ।