युरोपा लिगअन्तर्गत नकआउट चरणको प्ले अफको पहिलो लेगमा म्यानचेस्टर युनाइटेड र बार्सिलोना बराबरीमा रोकिएका छन् । गएराति क्याम्पनाउमा भएको खेलमा दुवै टोली २–२ गोलको बराबरीमा रोकिएका हुन् ।

प्रतिस्पर्धात्मक खेलमा बार्सिलोनाले सुरुआती अग्रता बनाएको थियो । खेलको ५० औं मिनेटमा मार्कस अलन्सोले गोल गर्दै बार्सिलोनालाई सुरुआती अग्रता दिलाए । मार्कस राशफोर्डले ५२ औं मिनेटमा गोल गर्दै युनाइटेडलाई १–१ गोलको बराबरीमा ल्याए । 

खेलको ५९ औं मिनेटमा बार्सिलोनाका जुल्स कुन्डेले आत्मघाती गोल गरेपछि युनाइटेड २–१ ले अघि रह्यो । खेलको ७६ औं मिनेटमा राफिन्हाले गोल गर्दै बार्सिलोनालाई २–२ को बराबरीमा ल्याउन सफल भए ।

अब दुई टोलीबीचको दोस्रो लेग २४ फेब्रुअरीमा युनाइटेडको मैदान ओल्ड ट्राफोर्डमा हुनेछ ।