रौतहटमा २६ वर्षीय एक युवकको पेटबाट सिसाको बोतल निकालिएको छ । पेट दुखेर अस्पताल गएर एक्सरे गर्दा उनको पेटमा सिसाको बोतल देखिएपछि शल्यक्रिया गरेर निकालिएको हो ।
गुजरा नगरपालिका–९ अमतबा टोलका नुर्साद मन्सुरीलाई पेट दुखेपछि उपचारका लागि चन्द्रपुर अस्पताल लगिएको थियो । एक्सरे गर्दा पेटमा सिसाको बोतल देखिएपछि थप उपचारका लागि उनलाई चितवनको पुरानो मेडिकल कलेज लगिएको थियो ।
शल्यक्रियापछि सोमबार साँझ उनको होस खुलेको छ । होसमा आएलगत्तै उनलाई भेन्टिलेटरबाट बाहिर निकालिएको छ । शल्यक्रियाको ४ घण्टापछि सोमबार साँझ मात्र नुर्सादको होस आएको हो ।
हाल उनी चितवनस्थित पुरानो मेडिकल कलेजको आइसियूमा चिकित्सकको निगरानीमै छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।