एजेन्सी– हामीलाई यसअघि नै थाहा भएको हो, धूमपानले हाम्रो स्वास्थ्यलाई राम्रो गर्दैन । धूमपानका कारण मुटुदेखि मस्तिष्कसम्म विभिन्न रोगहरु लाग्ने यसअघि विभिन्न अध्ययनले देखाइसकेका छन् । तर, चुरोटले गर्ने असर चाहिँ यतिमात्र होइन । रुट्गेर्स विश्वविद्यालयका छात्राहरुले गरेको अध्ययनले २० वटा चुरोट दैनिक सेवन गर्नेलाई अन्धोपना हुने पत्ता लगाएको छ । 

साइकियाट्री रिसर्च नामको जर्नलमा प्रकाशित भएअनुसार चुरोटमा हुने निकोटिन तथा अन्य केमिकलहरुका कारण मानिसलाई आँखाका अन्य समस्या पनि देखिन्छन् । धेरै चुरोट खानेहरुको आँखामामात्र नभएर मस्तिष्कले पनि रंग छुट्ट्याउन गाह्रो पर्ने उक्त अध्ययनले देखाएको छ । यो अध्ययनमा २५ देखि ४५ वर्षका मानिस समावेश थिए ।