सहिद स्मारक ए डिभिजन लिगमा मनाङ मर्स्याङ्दीले न्युरोड टिम एनआरटीलाई पराजित गरेको छ । दशरथ रंगशालामा आज साँझ सम्पन्न खेलमा एनआरटी ३–१ गोल अन्तरले पराजित गरेको हो । 

यो जितसँगै मनाङ तीन अंकका साथ लिगको अंकतालिकामा तेस्रो स्थानमा उक्लिएको छ।

जारी लिगमा आजको जित मनाङको लागि दोस्रो जित हो । उसले बाँकी दुई खेल भने बराबरीमा टुंग्याएको थियो । 

खेलको ३९औँ मिनेटमा रोशन रानामगरले मनाङलाई अग्रता दिलाएका थिए । यस्तै, ६९औँ मिनेटमा डाभ्लाट जोनोभ र ८७औँ मिनेटमा कोफी टिमोथीले क्रमशः दोस्रो र तेस्रो गोल गरे ।

एनआरटीका लागि दोस्रो हाफको थपिएको समयमा अशोक थापाले सान्त्वना गोल गरे ।