सरकारले बिहीबार आइसिसी विश्वकप लिग–२ सिरिजको अन्तिम खेलमा यूएईलाई हराउँदै एकदिवसीय विश्वकप छनोटमा पुर्याउने खेलाडीलाई पुरस्कृत गर्ने भएको छ ।
प्रधानमन्त्री पुष्पकमल दाहाल प्रचण्डले आज बिहान टोलीलाई बालुवाटार बोलाएर बधाई तथा शुभकामना दिँदै प्रतिखेलाडी ३ लाख रुपैयाँ प्रदान गर्ने घोषणा गरे ।
‘विश्वकप क्रिकेट प्रतियोगिताको क्वालिफायरमा प्रवेश गरी नेपालको स्वाभिमान र पहिचान उच्च बनाएकोमा नेपाली क्रिकेट टोलीलाई हार्दिक बधाई ज्ञापन गर्दै प्रतिखेलाडी ३ लाख रुपैयाँ पुरस्कारको घोषणा गर्दछु,’ प्रधानमन्त्री प्रचण्डले सामाजिक सञ्जालमार्फत घोषणा गरेका छन् ।
नेपालले बिहीबार यूएईलाई डिएल मेडथका आधारमा ९ रनले हराउँदै एकदिवसीय विश्वकप छनोटमा स्थान बनाएको हो । नेपालले अब यही वर्ष जिम्बाब्वेमा हुने १० राष्ट्र सम्मिलित विश्वकप छनोट प्रतियोगिता खेल्नेछ ।
४४ ओभरमा ६ विकेटको क्षतिमा २६९ रन बनाउँदा खेल रोकिएको थियो । त्यसपछि अम्पायरले डिएल मेडथका आधारमा नेपाललाई ९ रनले विजयी घोषणा गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।