बंगलादेशमा जारी साफ यू–१७ महिला च्याम्पियनसिप फुटबल प्रतियोगितामा नेपालले आज रसियाको सामना गर्दैछ ।

नेपाल र रसियाबीचको खेल ढाकास्थित बीएसएसएस मोस्ताफा कमल स्टेडियममा राति ७ बजे सुरु हुनेछ । नेपाल आज रसियालाई हराउँदै प्रतियोगितामा दोस्रो जित निकाल्न चाहन्छ ।  

पहिलो खेलमा नेपालले भारतसँग ४–१ को हार बेहोरेको थियो । दोस्रो खेलमा नेपालले भुटानविरुद्ध ५–० को जित निकाल्यो । प्रतियोगितामा बलियो टोली मानिएको रसियाविरुद्ध जित निकाल्दै नेपाल फाइनल सम्भावना जीवितै राख्ने योजनामा छ ।

रसिया लगातार तेस्रो जितको खोजीमा छ । उसले पहिलो खेलमा बंगलादेश र दोस्रो खेलमा भुटानलाई हराएको थियो । ऊ तालिकाको शीर्ष स्थानमा छ । नेपाल २ खेलमा ३ अंकका साथ चौथो स्थानमा छ ।   

नेपालले चौथो खेलमा मंगलबार आयोजक बंगलादेशसँग खेल्ने तालिका छ । प्रतियोगितामा आयोजक बंगलादेश, नेपाल, भारत, भुटान र रसियाको सहभागिता रहेको छ ।  

राउण्ड रोबिनको आधारमा हुने प्रतियोगिताको शीर्ष टोलीले उपाधि जित्नेछ ।