प्रधानमन्त्री पुष्पकमल दाहाल प्रचण्डले भोलि आइतबार मन्त्रिमण्डल विस्तार गर्ने तयारी गरेका छन् । त्यसका लागि उनले आज साझेदार दलहरूसँग छलफल गरिरहेका छन् ।

आज बिहान बसेको सत्तारुढ तीन दलको बैठकमा सहमति भने हुन सकेन । मन्त्रालय बाँडफाँटबारे छलफल गर्न नेकपा माओवादी केन्द्र, नेपाली कांग्रेस र नेकपा एकीकृत समाजवादीबीच कुरा मिल्न नसक्दा बैठक बिना निष्कर्ष टुंगिएको थियो । 

मन्त्रालय भागबन्डामा सत्तारूढ तीन दलका शीर्षसहितका नेताहरूको छलफल सहमति हुन नसकेको हो । यस विषयमा छलफल गर्न आज बेलुका फेरि बैठक बसेर टुंगो लगाइने बताइएको छ। 

यसअघि प्रधानमन्त्री प्रचण्डले सातौँपटक मन्त्रिपरिषद् पुनर्गठन गरे पनि सरकारले पूर्णता भने पाउन सकेको छैन। अझै ६ मन्त्रालय प्रधानमन्त्री प्रचण्डसँगै रहेका छन् ।