मंगलबार पनि देशका केही स्थानमा मेघगर्जन, चट्याङसहित हल्का वर्षाको सम्भावना रहेको छ ।

मौसम पूर्वानुमान महाशाखाका अनुसार आज गण्डकी, कर्णाली र सुदूरपश्चिम प्रदेशका पहाडी भू–भागका केही स्थानमा मेघगर्जन, चट्याङसहित हल्का वर्षाको सम्भावना रहेको हो ।

त्यस्तै, कोशी प्रदेशका पहाडी भू–भागका एक/दुई स्थानमा पनि मेघगर्जन, चट्याङसहित हल्का वर्षाको सम्भावना छ । बाँकी भू–भागमा भने आंशिक बदलीदेखि सामान्यतः मौसम सफा रहने महाशाखाले जनाएको छ ।

महाशाखाले काठमाडौं उपत्यकालगायत देशका धेरै भू–भागमा तुवाँलो र तराईका थोरै स्थानमा हावाहुरीको सम्भावना सम्भावना रहेका सतर्कता अपनाउन पनि सुझाव दिएको छ ।