चलचित्र निर्माता संघका अध्यक्ष नवल खड्काले काँडेतार चलचित्रका कुनै दृश्यहरु संवाद नकाटीकन प्रदर्शन गर्न नदिए सेन्सर बोर्डविरुद्ध अदालत जाने चेतावनी दिएका छन् ।

बुधबार चलचित्र पत्रकार संघ नेपालको आयोजनामा भएको राष्ट्रिय चलचित्र पत्रकारिता रजत सम्मान घोषणा कार्यक्रममा बोल्दै उनले यस्तो बताएका हुन् । 

सेन्सर बोर्डले चलचित्रका केही दृश्य र संवाद काटेर मात्रै प्रसारण गर्न भन्दै चलचित्र प्रसारणमा रोक लगाएको बताउँदै उनले आफ्नो चलचित्रमा हटाउनैपर्ने कुनै त्यस्ता दृश्य नरहेकाले सबै दृश्य र संवाद राखेर प्रर्दशन गर्न दिन आग्रह गरेको बताए । 

उनले भने ‘कुनै पनि दृश्य नकाटीकन दर्शकसँग लैजान पाऊँ भनेर अपिल गरेको छु, सेन्सर बोर्डले यो अनुरोध सुनेन भने त्यसको लागि न्यायलय, अदालत छ ।’