सुदूरपश्चिम प्रदेशको अस्थायी राजधानी धनगढीमा एक जनाले छोराको हत्या गरेर प्रहरीमा आत्मसर्पण गरेका छन् । धनगढी उपमहानगरपालिका–६ को मट्यारीका ४५ वर्षीय महेशकुमार चौधरीले शनिबार बिहान २१ वर्षीय छोरा अर्जुनको हत्या गरेर जिल्ला प्रहरी कार्यालयमा आत्मसर्पण गरेको प्रहरीले जनाएको छ । 

अर्जुनलाई घरदेखि करिब १५० मिटर टाढा जंगलमा ईटाले टाउकोमा हानि हत्या गरेको महेशकुमार आफैले स्वीकार गरेको प्रहरीले जनाएको छ। जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कुलदीप चन्दले चौधरीले छोराको टाउकोमा ईटा प्रहार गरेर हत्या गरेको बताए तर हत्या गर्नुको कारण भने खुलेको छैन ।

उनले चौधरीले आत्मसमर्पण गरेको बताउँदै नियन्त्रणमा राखेर घटनाको अनुसन्धान भइरहेको बताए ।