पूर्वपश्चिम राजमार्गको पर्सा बजारमा बस दुर्घटना हुँदा ३१ जना घाइते भएका छन् । कलैयाबाट काठमाडौंतर्फ आउँदै गरेको बागमती प्रदेश ०३–००१ ख २५६१ नम्बरको बस आफैं अनियन्त्रित भई सडक छेउमा गएराति दुर्घटना भएको हो । 

खैरहनी नगरपालिका–८ पर्सा बजारमा बस दुर्घटना भएको इलाका प्रहरी कार्यालय खैरहनीले जनाएको छ । दुर्घटनामा घाइते सबैको पुरानो मेडिकल कलेजमा उपचार भइरहेको प्रहरीले जनाएको छ । 

घाइतेमध्ये एकजनाको अवस्था गम्भीर रहेको र १४ जना मध्यम घाइते भएका छन् । प्रहरीका अनुसार अन्य १६ जनाको अवस्था सामान्य रहेको छ ।