पोखरा महानगरपालिकाले फेवातालको सिमसार मिचेर बनाइएको प्लटिङमा डोजर चलाएको छ । 

सिमसार क्षेत्रका सबै प्लटिङ डोजर लगाएर भत्काउन नगर प्रहरीसहित नेपाल प्रहरी र सशस्त्र प्रहरी पनि खटिएको थियो । मंगलबार महानगरबाट गएको नगर प्रहरीको टोलीले दुईवटा डोजर लगाएर प्लटिङ भत्काएको हो । 

जिल्ला समन्वय समिति कास्कीका प्रमुख लीलाधर पौडेलको संयोजकत्वमा कास्कीका प्रमुख जिल्ला अधिकारी वासुदेव घिमिरे, पोखराका मेयर धनराज आचार्यसहितको टोलीले अनुगमन गरेको थियो । 

टोलीले सिमसार क्षेत्र मास्ने गरी धमाधम पुरेर प्लटिङ गरेको भन्दै अनधिकृत कार्य तत्काल रोक्ने निर्णय गरेको थियो ।