तिलगंगा आँखा प्रतिष्ठानका प्रमुख कार्यकारी अधिकृत तथा वरिष्ठ नेत्र विशेषज्ञ डा. रीता गुरुङको प्राविधिक टोलीले हुम्लाको सर्केगार्ड गाँउपालिकामा दुई दिने मोतीविन्दु शल्यक्रिया आँखा शिविरको आयोजना गरेको छ ।
असार १ देखि २ गतेसम्म सञ्चालन भएको शिविरमा ४२ महिला र ४८ पुरुष गरी कूल ९० जनाको मोतिविन्दुको शल्यक्रिया र २ सय ४४ जनाको आँखाको जाँच गरिएको थियो । शिविरमा जिल्लाको ताँजकोट, अदानचुली, चंखेली र सर्केगार्डका आँखा बिरामीले सेवा लिएका थिए ।
तिलगंगा आँखा प्रतिष्ठान र सर्केगार्ड गाँउपालिकाको संयुक्त आयोजनामा सञ्चालित उक्त शिविरको लागि सेवा फाउण्डेसनले पनि आर्थिक सहयोग गरेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।