अर्जेन्टिनामा राष्ट्रपति पदको निर्वाचनका लागि प्राथमिक चुनाव भएको छ । देशभर १७ हजार ४ सय ३१ सार्वजनिक र निजी विद्यालयमा स्थापना गरिएको मतदान केन्द्रमा निर्वाचन गरिएको थियो । 

आगामी २२ अक्टोबरमा हुने आम चुनावका लागि उम्मेदवारी चयन गर्न आइतबार प्राथमिक निर्वाचन गरिएको हो । राष्ट्रपति पदको उम्मेदवार बन्न १७ जना बढी विभिन्न दलका नेता तथा स्वतन्त्र व्यक्तिहरूले प्राथमिक निर्वाचनमा भाग लिएका थिए । 

करिब ३ करोड ५३ लाख ९४ हजार ४२५ अर्जेन्टिनावासीलाई मतदानका लागि बोलाइएको थियो । अर्जेन्टिनामा अनिवार्य मतदान गर्नुपर्ने नियम छ ।

मतदाताले २०२३/०२७ को राष्ट्रपतिको कार्यकालका लागि १७ जना राष्ट्रपति पदका आकांक्षी र उनीहरूको दौडमा रहेका प्रतिस्पर्धीबाट आफ्नो देशको राष्ट्रपति चयन गर्न सक्नेछन् ।