धनुषा– तराई–मधेसलाई छुट्टै राज्य बनाउनुपर्ने माग राख्दै आएका सिके राउतले सरकारसँग ११ बुँदे सम्झौता गरेसँगै राजधानी काठमाडौंको राजनीति गर्माएको छ । तर, मधेसमा भने सो सम्झौताको खासै प्रभाव देखिएको छैन ।
सरकारसँग सम्झौतापछि राउतका कार्यकर्ता अलमलमा परेका छन् । सो समूहका गतिविधि एकाएक सेलाएका छन् । तर, मधेसमा पूर्वराजा ज्ञानेन्द्रका समर्थकका गतिविधि तीव्र बनेको छ ।
राजनीतिक वृत्तमा मात्र होइन, जनकपुरका सञ्चार माध्यमले पनि सिके राउत र उनको समूहलाई प्राथमिकतामा राखेका छैनन् । बरु तराई–मधेसमा अहिले सिके राउतले सरकारसँग आत्मसमर्पण गरेको चर्चा व्यापक छ ।
अहिले पूर्वराजा ज्ञानेन्द्र शाह जनकपुर पुगेका छन् । उनको स्वागतमा ठाउँ–ठाउँमा होर्डिङबोर्ड ब्यानर टाँगिएका छन् । पूर्वराजाको स्वागतसँगै जनकपुरमा अहिले हिन्दू राष्ट्रको माग तीव्र बनेको स्थानीयले बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।